विकसित भारत संकल्प कार्यक्रमात योजनांची फक्त घोषणा

 तासगाव, ८ जानेवारी : तासगाव नगरपरिषदेमार्फत शनिवारी 'विकसित भारत संकल्प कार्यक्रम'चे आयोजन करण्यात आले होते. या कार्यक्रमात केंद्र आणि राज्य सरकारच्या विविध योजनांची घोषणा करण्यात आली. मात्र, या योजनांचा प्रत्यक्ष लाभ नागरिकांना होईल का, याबाबत शंका उपस्थित केली जात आहे.

या कार्यक्रमात खासदार संजय पाटील, मुख्याधिकारी पृथ्वीराज पाटील, माजी नगराध्यक्ष जाफर मुजावर, बाबासाहेब पाटील,दिग्विजय पाटील, किरण बोडके,महेश्वर हिंगमिरे उपस्थित होते.

खा. पाटील म्हणाले, प्रधानमंत्री आवास, आयुष्मान भारत अशा योजना जनतेच्या हितासाठी शासनाने आणल्या आहेत. या योजना तळागाळापर्यंत पोहोचवण्यासाठी पालिका प्रशासन आणि आम्ही कटिबद्ध आहोत.

मुख्याधिकारी पाटील म्हणाले, केंद्र सरकारच्या विविध योजनांची माहिती लोकांपर्यंत पोहोचविण्यासाठी व या योजनांचा लाभ सर्वसामान्य नागरिकांना होण्यासाठी कार्यक्रमांचे आयोजन करण्यात आले होते. लोकांनी याचा चांगल्या पद्धतीने उपयोग करून घेतला. जवळपास तीनशेहून अधिक नागरिकांनी आयुष्मान भारत कार्डसाठी नोंदणी केली. नागरिकांसाठी आरोग्य शिबिराचे देखील आयोजन याठिकाणी करण्यात आले होते.

या कार्यक्रमात घोषणा करण्यात आलेल्या योजनांची माहिती नागरिकांना देण्यात आली. मात्र, या योजनांचा लाभ नागरिकांना कसा होईल, याबाबत कोणतीही माहिती दिली गेली नाही. यामुळे या योजनांची घोषणा केवळ औपचारिकतेपुरती मर्यादित राहिल्याची चर्चा आहे.

या कार्यक्रमात आरोग्य शिबिराचे आयोजन करण्यात आले होते. या शिबिरात तीनशेहून अधिक नागरिकांनी आरोग्य तपासणी केली. या शिबिरात विविध आजारांची तपासणी करण्यात आली. आवश्यक असल्यास औषधोपचारही करण्यात आले.