या मागणीसाठी शिवसेनेच्या गुंठेवारी समितीने मंगळवारी सांगली तहसील कार्यालयावर मोर्चा काढला. या मोर्चात समितीचे प्रदेशाध्यक्ष चंदन चव्हाण, जिल्हाप्रमुख अभिजित पाटील, बजरंग पाटील आणि शिवसेनेच्या ठाकरे गटाचे कार्यकर्ते मोठ्या संख्येने सहभागी झाले.
मोर्चात बोलताना चंदन चव्हाण म्हणाले, "जिल्ह्यातील महसूल कार्यालयांमध्ये बेकायदेशीरपणे झिरो कर्मचारी काम करत आहेत. या झिरो कर्मचाऱ्यांमुळे नागरिकांना अनेक त्रास होत आहेत. त्यामुळे या झिरो कर्मचाऱ्यांना तात्काळ हद्दपार करण्यात यावे. याबाबत तत्काळ कार्यवाही केली नाही तर कायदा हातात घेण्याची वेळ येईल."
मोर्चात गुंठेवारी नियमितीकरणातील अडचणींबाबतही निवेदन देण्यात आले. या निवेदनात म्हटले आहे की, गुंठेवारीधारकांचे प्रमाणपत्र, जागेचा नकाशा पालिकेकडून घेतलेल्या नागरिकांना गुंठेवारी कायद्याप्रमाणे अकृषक परवानग्या घ्याव्यात. सरकारी मोजणी, बांधकाम परवाने हे महापालिकेकडून रीतसर घ्यावेत. याबाबत शासनाकडून शासन परिपत्रक काढण्यात आले आहे. मात्र, या परिपत्रकानुसार कामे सुरू करण्यात आली नाहीत.
मोर्चात मंडल अधिकाऱ्यांविरोधात बेकायदेशीर कामांबाबतही निवेदन देण्यात आले. या निवेदनात म्हटले आहे की, गौणखनिजाचे खोटे पंचनामे केले आहेत. त्यांच्या कक्षातील गावामध्ये २०० मीटर बाहेरील नोंदी निर्गत केल्या आहेत. त्यामुळे शासनाचा लाखो रुपयाचा महसूल बुडाला आहे. याबाबत शासनाने तात्काळ कारवाई करावी, अशी मागणी करण्यात आली आहे.
या मोर्चानंतर नायब तहसीलदार रवींद्र सोनवणे यांनी मोर्चेकरांना भेटून आश्वासन दिले की, झिरो कर्मचाऱ्यांबाबत तात्काळ कार्यवाही करण्यात येईल. गुंठेवारी नियमितीकरणातील अडचणींबाबतही लवकरच बैठक घेऊन कार्यवाही करण्यात येईल.
.jpeg)
