राष्ट्रवादी युवक काँग्रेसचा सांगली जिल्ह्यात मेळावा

 

सांगली, ९ जानेवारी २०२४: युवक राष्ट्रवादीचे (अजित पवार गट) प्रदेशाध्यक्ष सूरज चव्हाण यांच्या उपस्थितीत उद्या (ता. १०) राष्ट्रवादी युवक काँग्रेसचा मेळावा सांगली जिल्ह्यात आयोजित करण्यात आला आहे.

या मेळाव्याचे आयोजन शेतकरी भवन मार्केट कमिटी, मिरज येथे करण्यात आले आहे. दुपारी चार वाजता वालचंद कॉलेज येथून कार्यकर्त्यांसोबत चारचाकी वाहनांची फेरी काढण्यात येणार आहे. सायंकाळी पाच वाजता मिरजेतील छत्रपती शिवाजी महाराज, डॉ. बाबासाहेब आंबेडकर यांच्या पुतळ्यास वंदन करण्यात येईल. त्यानंतर मेळावा सुरू होईल.

कार्यक्रमस्थळी प्रदेशाध्यक्ष सूरज चव्हाण यांचा सत्कार करण्यात येणार आहे. तसेच, नवनिर्वाचित युवक पदाधिकाऱ्यांच्या निवडी होणार आहेत. या वेळी सर्व सेलच्या नवनिर्वाचित पदाधिकाऱ्यांचा सत्कार करण्यात येणार आहे.

मेळाव्यास सर्व युवकांनी उपस्थित राहावे, असे आवाहन जिल्हाध्यक्ष अॅड. अमित शिंदे, ग्रामीण जिल्हाध्यक्ष चंद्रकांत पाटील व बाळासाहेब ओमसे यांनी केले आहे.

मेळाव्याचे वेळापत्रक

दुपारी चार वाजता: वालचंद कॉलेज येथून चारचाकी वाहनांची फेरी

सायंकाळी पाच वाजता: छत्रपती शिवाजी महाराज, डॉ. बाबासाहेब आंबेडकर यांच्या पुतळ्यास वंदन

सायंकाळी पाच वाजता: मेळावा सुरू

सायंकाळी सहा वाजता: प्रदेशाध्यक्ष सूरज चव्हाण यांचा सत्कार

सायंकाळी सात वाजता: नवनिर्वाचित पदाधिकाऱ्यांच्या निवडी