भारताचे वाणिज्य दूतावास आणि ‘मराठी कट्टा जर्मनी’ यांच्या संयुक्त विद्यमाने फ्रैंकफर्ट येथे ‘महाराष्ट्र बिझनेस डे – 2025’ मोठ्या उत्साहात संपन्न झाला. महाराष्ट्रातील उद्योग, स्टार्टअप्स, महिला उद्योजकता आणि भारत-जर्मनी द्विपक्षीय व्यापाराला चालना देणाऱ्या या कार्यक्रमात अनेक मान्यवरांनी सहभाग घेतला.
कार्यक्रमाच्या मुख्य आकर्षणांपैकी एक म्हणजे ‘महाराष्ट्र युरोप बिझनेस फोरम (MEBF)’ची औपचारिक घोषणा. या नव्या उपक्रमामार्फत महाराष्ट्र आणि युरोपमधील गुंतवणूकदार, स्टार्टअप्स व व्यापार भागीदारांमध्ये नव्या संधींचा शोध घेण्यावर भर दिला जाणार आहे.
या कार्यक्रमात विविध सत्रांद्वारे महिला उद्योजकता, स्टार्टअप्सच्या संधी, गुंतवणुकीच्या धोरणांवर सखोल चर्चा झाली. महाराष्ट्र सरकारचे मंत्री, MIDC (महाराष्ट्र औद्योगिक विकास महामंडळ) अधिकारी आणि भारताचे फ्रैंकफर्ट येथील कॉन्सुल जनरल यांची विशेष उपस्थिती लाभली.
कार्यक्रमाचे मुख्य उद्दिष्टे:
-
महाराष्ट्रात परदेशी गुंतवणुकीला प्रोत्साहन
-
महिला उद्योजक आणि स्टार्टअप्ससाठी मंच
-
भारत-जर्मनी व्यापार संबंधांना बळकटी
हा कार्यक्रम महाराष्ट्राचे जागतिक औद्योगिक सहकार्य अधिक दृढ करण्याच्या दिशेने एक महत्त्वाचा टप्पा ठरतो आहे.
